„Það gerðist eitthvað sem ég réð alls ekki við.“ Persónusköpun og birtingarmynd samlíðanar í bókinni Grafarþögn eftir Arnald Indriðason.

Þessi ritgerð er lögð fram sem B.A. verkefni í íslensku á Hugvísindasviði Háskóla Íslands. Hún fjallar um birtingarmynd samlíðanar í bókinni Grafarþögn eftir Arnald Indriðason. Ritgerðin hefst á almennri umfjöllun þar sem gerð verður stuttlega grein fyrir hugrænum fræðum. Í kjölfarið verða helstu hugtök sem notast er við skilgreind og minnst á kenningar sem þeim tengjast. Einnig verður vikið að helstu atriðum sem felast í skemakenningunni, hugarlíkönum og áhrifum persónusköpunar á samlíðan lesanda. Að almennum fræðilegum kafla loknum verður fjallað um bókina Grafarþögn en sú umfjöllun hefst á dálítilli greinargerð um Arnald Indriðason, höfund hennar. Meginþræðir bókarinnar verða síðan raktir í stuttu máli og fjallað verður um helstu persónur. Næst verður gerð grein fyrir samlíðan ritgerðarhöfundar og fjallað um hvernig hún kemur heim og saman við kenningar fræðimanna. Að lokum verður samlíðan persóna innan bókarinnar skoðuð og metið að hvaða leyti hún líkist samlíðan lesanda. Í lokakafla ritgerðarinnar verða síðan ályktanir höfundar ritgerðar settar fram